Zərdüşt belə söylədi

Dahi Nitsşenin bu mühüm əsəri forma və məzmununa görə fəlsəfi deyil, bədii əsərə oxşayır. Zərdüşt düşünülmüş obrazdır. Onun adı Şərq müdrikliyi ilə əlaqəlidir. Zərdüştün fəlsəfəsində məntiqi arqumentdən çox müdriklik var. O bu müdrikliyi aforistik yolla elan edir. Bəs Nitsşe niyə ona müraciət edir? İki minillik tarixi olan Qərb fəlsəfəsini qoyub, niyə məhz Sokratdan əvvəlki dövrə gedib çıxır? Çünki “Nitsşe həqiqəti” bu yolla zamanın fövqünə qalxa bilir. O həqiqətə yalnız bu yolla varmaq olar.