Türklərin tarixi 1: Mərkəzi Asiyanın çöllərindən Avropanın qapılarına

Türkiyənin tanınmış tarixçi və yazıçısı, professor İlbər Ortaylı bu kitabında türklərin Mərkəzi Asiyadan Avropaya qədər uzanan tarixini mərhələli, təfərrüatlı, hər kəsin başa düşəcəyi şəkildə şərh edib. Kitabda müəllif Mərkəzi Asiyanın çöllərindən başlayan bir xalqın dövlət qurma, təşkilatlanma, döyüş bacarığı kimi əsas xüsusiyyətlərini kiçik detallarına qədər araşdırıb, bu qəhrəman xalqın Avropaya inteqrasiyasını özünəməxsus şəkildə təsvir edib. Bu kitabı oxumaqla türklərin kiçik bir bəylikdən necə böyük bir imperiya qurduğunun şahidi olacaq, bu millətin adının eşidildiyi zaman düşmənlərin niyə iki dəfə düşündüyünü anlayacaqsınız.