Sadəcə, dinlə

Doktor Mark Qoulston karyerasının başlanğıcında intihara və zorakılığa meyilli şəxslərlə işləyib. Şəxsi təcrübəsi əsasında istənilən insanı yola gətirmək qabiliyyətini, bunun üçün istifadə etdiyi metodlar isə “Sadəcə, dinlə” adlı kitabın əsasını formalaşdırıb. Bəzən söhbət zamanı qarşınızdakı insana təsir edə, onu inandıra, məqsədinizə nail ola bilmədikdə, yəqin ki, sizin də ağlınızdan belə fikirlərin keçdiyi olub: “Sözünü elə bil daş divara deyirsən”. Mark Qoulstonun “Sadəcə, dinlə” kitabı oxuculara bu cür “daş divarlar”la rəftar etməyin, “o divardakı ən zəif daşı tapmağın” yollarını öyrədəcək. İnsanlarla ünsiyyət qurmağı, onlarla “öz dillərində” danışmağı, tərs inadkarları həqiqətlərinizə inandırmağı arzulayırsınızsa, mütləq bu kitabı oxumalısınız.